انصار: (د تله ۵مه)، اسوشېټېډپرېس خبري اژانس د پاکستاني چارواکو له قوله ویلي، چې د خیبر پښتونخوا ایالت په کرمه سیمه کې د شیعه ګانو او سنیانو ترمنځ په روانو نښتو کې تر دې دمه ۲۵ تنه وژل شوي دي.
د آژانس د راپور له مخې دا مرګونې جګړه کې له تېرې شنبې راهیسې روانه ده.
دغه نښته د ځمکې د ملکیت پر سر د شخړې له امله پیل شوې، چې په لسګونه کسان په کې ټپيان شوي هم دي.
اسوشېټېډپریس خبري آژانس په خپل راپور کې د پاکستاني چارواکو له قوله ویلي، چې چې دوی هڅه کوي افغان پولې ته نېږدې د ځمکې شخړه په فرقه يي تاوتریخوالي بدله نه شي.
تر دې مخکې د روان کال په جولای میاشت کې هم په دې سیمه کې د ورته جګړې له امله د دواړو خواوو لسګونه کسانو ته مرګ ژوبله اوښتې وه.
د ځایي خلکو په وینا کرمه سیمه په وروستیو کلونو کې د شیعه او سني اوسیدونکو ترمنځ د سختو تاوتریخوالو شاهده ده.
URL تعقيب: https://www.ansarpress.com/pashto/33624
